يبـه شلـونك
يبه شلونك...ملل هالــكــون من دونك ..
يبه شلونك وتمضي رحلة الدنيا..
بليا طلة عيونك..!!
يبه شلونك وشلون المرض وياك
بعد ماهدك بدنياك..عساها تغمض جفونك
تبي تدري عن احبابك عن عيون تغنا بك
عن قلوب دفنها الشوق..واذا جاها الغفا جابك
يبه واللي خذاك بيوم....خذا بنيتك بكرا..
خذا.. وياماخذا.. وياما..خذا ناس يحبونك
يبه حنا صرنا كبار..توفقنا وتخرجنا..
يبه ماعاد فيه صغار..يموج بهالزمن كل شي..
وحنا ماتموجنا..على ذاك العهد نسري..
نبيع العمر والدنيا..ولا تخلف بنا ظنونك
يبه شلونك تبي تدري عن اخباري
عن افكاري وتذكاري
اشيلك داخلي جمره ..وبعيون الحزن عبره..تغرقني .. وتحرقني..
اشوفك نجمة تجبر..مراعيها .. يراعيها..
واشوفك للرجوله اسم..اذا شد الزمن تقسى..واحلم من معاني الحلم..
احسك مقبل بكرى..وعيا لايجي بكرى !!
يبه تذكر زمان مر
يبه تذكر مجالسنا
مقلطنا ومجلسنا
وحارتنا ومسجدنا
يبه تذكر هدايا العيد
يبه تذكر سوالفنا
لاجل هذا ..
وكل هذا ..
اقول اليوم يايبــه ..
ملــــــــــــــل هالكون من دونك
يبه وينك .... ولهت لنظره من عينك ....
يبه وينك
اشوفه طوّل غيابك !! ... و من ودّاك .... ما جابك !!
قالوا ما يدوم !! ... و انا عندي امل للحين ..
و لكني اعرفك وين !!
يبه وينك
عسى الداعي يبه بس خير !!
عساك بخير .... مداين تكرم لعينك ...
بس ارجوك علمني ...
علمني .. يبه وينك
سألت امي عن رجوعك ... ولا كني اعرفك وين !!
و قالت .. ما يدوم !! ... و انا .. عندي امل للحين .. في رجوعك !! .... يبه بس تكفى علمني ....
متى رجوعك .... يبه بس تكفى علمني .
وش احلى من طلوع اثنين
طلوع الشمس .... و طلوعك
يبه وينك
سألت امي ...... غيابك طال
ولا كنّي اعرفك وين !!
و قالت مثل ما قالت .. حسافه ...
ما يدوم ... مع كل هذا صدقني .. انا عندي امل للحين !!
سؤالي عنك يالوالد .. صار كما الموال
و اشوفه طال ... والله طال ..
حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ...
ضعف .. من قسوة ظروفه ..
يبه ..
ما عاد بي من حيل .. وين الحيل
و انا اشوفك نهار و ليل .. مع اني ادري ما ترجع !!
غريبه .. بعدها تدمع .. عيوني من هموم البين !! ....
و ادريبه مكانك وين !! ... مع َ هذا .. ارد و اسأل !!
يبه .... وينك
و لا كني اعرفك وين !! شبكت العشر في غيابك ...
على راس ٍ كساه الشيب .. و من وداك ... ما جابك ..
و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !!
يبه.. كل جرح في الدنيا .. مصيره بالدوا يلتم ... و لكن البلا من جرح ..
نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!!
ينزف ... بس بليّا دم .. و زاد الهم فوق الهم ... و دام انك يبه غايب ...
جروح الغيبه ما
تـلتم ..
بس عندي امل للحين !! ... و لا كنّي اعرفك وين !!
يبه .. ذكراك تفرحني ....
في نفس الوقت تجرحني !! ... لا من جبت في طاريك ... دموعي غصب تفضحني ....
يبه .. تذكر ليالي الصيف
عرس الحي ..
و كرم قلبك معَ هـالناس .. كل ٍ كان في بيتك ضيف ..
الا يا حيف .... الا يا حيف ..
زمن قاسي .. زمن قاسي ...
اخذ مني بلا رحمه ... اخذ مني اعز ناسي !!
و خلاّ لي سهر هالليل .. في عيني ضيف .. الا يا حيف !! يبه وينك
تعال و شوف ...
كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف ..
يبه وينك
تعال و شوف .. صحيح الدنيا ما ترحم ..
تجرعنا التعب انواع ... و لكن الأمل ما ضاع ..
و انا عندي امل للحين !! ... و لا كني اعرفك وين !!
يبه تذكر شطانـتـنا
انا و اخواني و اخواتي ... معانا عيال حارتنا ..
نلعب في زوايا البيت .. يبه ... والله انا حنيت ..
لذاك الوقت في وجودك ... الا يا ريت ...
الا يا ريت ...
ترجع .. يا يبه حنيت ..
حسافه الدنيا ما ترحم ...
خذت منا سعادتنا ... خذتك بعيد .. و خلتنا !!!
يبه امي تذّكرنا ... بأيامك قبل ما تروح ... تناديها..
نحبك يا يبه ... ارجع .. مثل شمس الفجر .. اطلع
حزينه الشمس في غيابك .. و نفس الحزن في احبابك .. واخاف الشمس من حزني ..
تغيب و ما بعد تطلع !! .. يبه ارجع !! ... اذا لي خاطر فـ قلبك ..
تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..
لكن قلّت الحيله ...
يبه شلونك
ملل هالكون من دونك
يبه شلونك
وتمضي رحلة الدنيا ... بليا طلة عيونك
لاجل هذا ... وكل هذا ... اقول اليوم يابـيـي
تعبت اتخيل ايدينك
يبه وينك؟؟
تعبت اسأل زوايا البيت
تعبت اسأل ثوبك المكوي
تعبت اشم عطرك
و
احضن غيابك
تعبت اكذب على دمعي
وارتب عيني وثيابك
يبه وينك؟؟
الف الدار واتذكر
هنا يمشي
هنا يضحك
هنا يجلس
يبه وينك؟؟؟
ويقطع حزن هاالافكار
باب الدار
منو بالباب؟؟
انا مابي لعب واقلام
انا مابي هدايا
انا مابي اشوف اصحاب
يبه وينك؟؟؟
يبه يرضيك حالي الحين
كرهت المدرسه والدرس ... ولااحد فيني حس
يبه وينك؟؟
كلامي يبه حارق كلامي مر
وانا اقرا في الدفاتر هنا يوقع
(ولي الامر)
مين لي فرحتي تتكحل بعينه
وضحكاته
يبه وينك؟؟؟
نجحت وتحتترق فرحه وسط صدري
تجيني الناس وتبارك
وهذا الحزن بي حارث
ولاتدري اني يتيمه
والسبب
زقــآآآرهـمنقــوووول بس عجبنــي حيــل وان شاءالله يعجبكم
موضوع: يبــه وشلــوونكـ <<عجبنـي وش رآآيكم ^^ 
الجمعة أبريل 03, 2009 6:29 pm
