| سالفة العريس اللي نسى زوجته!!!لاتفوتكم حلوه. | |
|
+4أبو حسن النرجسية كبرياء انثى الشاطر 8 مشترك |
كاتب الموضوع | رسالة |
---|
الشاطر المديــر
عدد الرسائل : 879 تاريخ التسجيل : 22/10/2007
| موضوع: سالفة العريس اللي نسى زوجته!!!لاتفوتكم حلوه. الخميس نوفمبر 15, 2007 8:17 am | |
| --------------------------------------------------------------------------------
السلام عليكم
كيف الحال وانشالله بخير الزبده وأنا قاعدة ابحر في شواطي وموانئ النت اللي ماتخلص لقيت قصة شي ونقلتها لكم عشان تفردون الخشة وتضحكون شوي وتدعون ان الله لا يبلاكم وتتحمدونه على العقل والعافيه
هذا واحد توه معرس وخلصت الزفه والامور اللي في القصر.. اخينا في الله شغل يعني اخذ حرمته وركبوا في السياره .. ودعس لديرتهم يعني اهل العروسه في منطقة وهو ساكن بمنطقة ثانية والبنيه تستحي ومبوزة طول الطريق .. والرجال ماغير يسولف ويهذر والبنية سااااكته .. ماااااحولك احد الرجال يأس من البنت انها تتكلم .. وقال يا ولد ما وراها هذره اشغل المسجل وامسك الخط
عاد هي طمرت على المرتبه الي ورى عشان تنام عشان يخف عليها وجع الفراق .. الين يوصلون محطه
المهم الرجال ما وعى الا هذيك محطه ويصفط عندها وينزل عند البقاله وياخذ له كيس فصفص وكم ببسي حق الطريق هو كان وده ياخذ له شريط لمحمد السليم عشان يسليه في الطريق بس خبركم توه معرس وبايخه مشغل محمد السليم الناس تشغل عبد الحليم ولا ام كلثوم
البنت على نزلت زوجها الا نزلت لدورات المياه حق الحريم الي عند المسجد الي جنب البقاله قالت يابنت بيمديني اطمر واخلص وارجع قبل لا يرجع هو من البقاله
المهم المسكينه راحت واخذت وقتها
اخينا في هالوقت رجع للسياره وعلى باله مرته في المرتبه الي ورى وخبركم عبايه سودا واخر الليل ما انتبه انها مو في السيارة وهوشغل ودعسسسس
البنيه المسيكينه طلعت وتناظر يا بنت وين السياره ... وتتلفت ما تشوف غير الهنود حق المحطه وحق البقاله
عاد تخيلو الصدمه يوم عرفت ان زوجها دق سلف ومشى والبنت المسكينه حتى في نفسها مهيب راضيه تصدق انه مشى .. جالسه تتأمل انه يمكن راح منا ولا منا وبيرجع
شوي ما وعت الا ذاك الجمس اللي مقبل يوم وقفوا عند البقاله الي جنبها وتقز الحريم اللي في الجمس ... قالت زين عائله وتروح وترمي روحها على الحرمه الي قدام .. وهي ام العيله وتقول لها خالتي انا داخله على الله ثم علييك .. وهذي قصتي والعجوز مسكت راسها وقالت .. يابنيتي انتي تعرفين سيارة زوجك .. قالت ايه اعرفها
قالت قومي اطمري نلحق على زوجك
ويعبون بنزين ويدعسون وراه
نعود الآن لصاحب الفصفص اخينا في الله مريح وماشي .. بعد ما لقوه في الخط على بعد نص ساعة
عاد تخيل حبيب القارئ انك على طريق و فجأة وراك جمس يكبس بالنور بشكل مخيف يبيك توقف وش رده فعلك
اكيد الرجال دعسسسس قال ياولد هذولا مهابيل بيضروني ومعي عروستي .. ويااافشيلة اذا انطقينا والجمس وراه داعس يحاول معه انه يوقف .. المهم الذهين اللي يسوق الجمس عرف وش يسوي .. فقام يولع نور الجمس اللي في الداخل عشان العريس يشوف ان اللي في الجمس عائله
وأخيراااااا انتبه و يوقف ... قال وش عنده ذا
ونزل وهو معصب
عاد من اللي متوهق في هالموقف .. اكيد هو راعي الجمس يقول في نفسه وشلون اقوله ان مرته معنا
يبي يجيبها بأسلوب تدريجي عشان العريس ما ينصدم .. خبركم مثل هالموقف وش بيقولون عنك اهل العروسه ... اخذت بنتنا وضيعتها ولله ان تلزق فيك السالفه طول عمرك والعالم يتمشووون ولا عندهم سالفة غيرك .. تصير علك دائم الحلى .. ولا تصف يم علك ابو سهم .. يتشمتون فيك المهم راعي الجمس سلم وقال له اخوي ما كأنك مضيع لك شي
قال له العريس ... لا ولله ما ضيعت شي
قال له تأكد
قال العريس ... وشلون
قال راعي الجمس .. رح طل في سيارتك شف في شي ناقص لك
العريس قام يوسوس حتى المشكله مرته ما جت على باله
المهم راح ودخل خشته داخل السيارة وقال يا مره في شي طاح مننا وحنى في المحطه محد رد عليه
ويوم لون وجهه بدا يميل للكرت الاحمر.. ووووووووين راحت المره
ورجع لراعي الجمس وقال هات السالفه 00
قال يا ولد مرتك لقيناها عند المحطه انا واهلي 00
عاد العريس كل انواع النفاضات نزلت عليه تلعثم ولا قدر يتكلم
المهم راعي الجمس راح وقال للعروسه يلااا طسي عند زوجك شوفيه متصرمع عليك
المهم العروسه ركبت مع زوجها في السياره وانطلق لسانها اللي كان مربوط وقامت تتعذر له .
وتقول لا تزعل مني..
هههههه يا شين التميلح .. توها تتميلح .. عاد انقلب الوضع صار العريس هو اللي مبوز طول الطريق والعروسه الي قاعده تبربر ما بقى الا انها هي اللي تسوووق..
اتمنى تكون نالت اعجابكم تحياتي لكم نهر الحب | |
|
| |
كبرياء انثى مشرف منتدى الصور العام
عدد الرسائل : 1705 العمر : 28 الموقع : dammam العمل/الترفيه : ..طالبه.. المزاج : منـآكـ بس.. تاريخ التسجيل : 22/10/2007
| موضوع: رد: سالفة العريس اللي نسى زوجته!!!لاتفوتكم حلوه. الخميس نوفمبر 15, 2007 11:15 am | |
| ههههههههههههههه صووبحان من غير الاحوال | |
|
| |
النرجسية InViSible بيض الله وجهة
عدد الرسائل : 277 تاريخ التسجيل : 19/10/2007
| موضوع: رد: سالفة العريس اللي نسى زوجته!!!لاتفوتكم حلوه. الجمعة نوفمبر 16, 2007 3:55 pm | |
| ههههههههههههههههههههه مسكين كسر خاطري العريس حيل تسلم اخوي الشاطر على القصة الرهيبة يا رهيب انت تحياتي النرجسية | |
|
| |
أبو حسن مشرف منتدى سوق عكاظ
عدد الرسائل : 221 العمر : 43 تاريخ التسجيل : 20/10/2007
| موضوع: رد: سالفة العريس اللي نسى زوجته!!!لاتفوتكم حلوه. السبت نوفمبر 17, 2007 6:25 pm | |
| للأمانة وحقوق النشر يجب كتابة أسم هالخبل المعرس علشان نضحك عليه خخخخخخخخخخخخخخخخخخخخخخخخخخخخخخخ حللللوة ,,,ههههههههههههههههههههههههههههههههههه | |
|
| |
InViSible BoY رئيس مجلس الاداره
عدد الرسائل : 679 تاريخ التسجيل : 02/10/2007
| موضوع: رد: سالفة العريس اللي نسى زوجته!!!لاتفوتكم حلوه. الأحد نوفمبر 18, 2007 2:08 am | |
| يووووووه ماكأنه هذا الرجال اي عرفته تعالوا معي اعلمكم منو هذا هذا الي بقصت الشاطر رجال ابقر موول مايهتم في شي عاد هو نساي بعد ونسى زوجته ما اخذها عرفتوه .؟؟؟ تحياتي لك InViSible BoY | |
|
| |
KING_OF_DAJJA المديــر
عدد الرسائل : 150 تاريخ التسجيل : 04/10/2007
| موضوع: رد: سالفة العريس اللي نسى زوجته!!!لاتفوتكم حلوه. الأحد نوفمبر 18, 2007 6:26 am | |
| ههههههههههههههههههههههههههههههههههههههههههههههههههههههههههههههههههههههه ياعمري على النسيــــــــــــــــــان ياحســــــــــــــــــــــــــــــــــــــــــــام يوه لو تصير لي اروح اصيح على طول واروح اشرب كل شي منكر عشان يصير شكلي كريه وحالتي حاله زي الافلام المصريه واطلع في لاشارع والمطر يطيح واشيب << مالت عليك روح انتحر احسن | |
|
| |
الشاطر المديــر
عدد الرسائل : 879 تاريخ التسجيل : 22/10/2007
| موضوع: رد: سالفة العريس اللي نسى زوجته!!!لاتفوتكم حلوه. الأربعاء نوفمبر 21, 2007 5:04 pm | |
| | |
|
| |
غصب حلوه InViSible ايهب عليه من مجتهد
عدد الرسائل : 1394 الموقع : الـدمـام العمل/الترفيه : طالـبه المزاج : مـروقـه تاريخ التسجيل : 29/10/2007
| موضوع: رد: سالفة العريس اللي نسى زوجته!!!لاتفوتكم حلوه. الخميس نوفمبر 22, 2007 3:28 am | |
| ههههههههههههههههههههه حلوه بس صج مسكين مسكككككككككين على الموضوع قصدي مشكوور على الموضوه >>>تأثرة بالقصه ههه | |
|
| |
reeham مشرف منتدى الالعاب
عدد الرسائل : 389 العمر : 32 تاريخ التسجيل : 27/10/2007
| موضوع: رد: سالفة العريس اللي نسى زوجته!!!لاتفوتكم حلوه. الجمعة نوفمبر 23, 2007 1:40 pm | |
| ههههههههههههههههههههههههههههه حلوة الف شكرلك اخوي الشاطر تحيات اختكم المزيونة رهوم | |
|
| |
| سالفة العريس اللي نسى زوجته!!!لاتفوتكم حلوه. | |
|